စကြာဝဠာအနန္ဒ၌ရှိကြကုန်သော လူ၊နတ်၊ဗြမ္မာ၊သတ္တဝါအားလုံးတိုသည် ကိုယ်စိတ်နှစ်ဖြှာချမ်းသာကြပါစေ၊ကောင်းကျိုးလိုရာစန္ဒ ပြည်ဝကြပါစေ...







ကလေးရိုးရိုးမွေးခြင်း၊ ခွဲမွေးခြင်းတို့ရဲ့ အားသာချက်၊ အားနည်းချက်တချို့

                                

“အခုခေတ်မှာ၊ မိခင်တွေက ခွဲမွေးမှခေတ်မီတယ်ဆိုတဲ့ ဓလေ့တစ်ခုထွန်းကားနေတယ်။ သတိထားရ မယ့်အချက်တွေ အများကြီးရှိတယ်။ ရိုးရိုးမွေးတာကတော့ တကယ့်သဘာဝနည်းလမ်းဖြစ်တယ်။ ကိုယ့်ကလေးကို ကိုယ်ကဝမ်းအနာခံပြီးတော့ မိခင်မေတ္တာပြတဲ့ နည်းလို့လဲပြောလို့ရတယ်” ဟု သား ဖွားမီးယပ်အထူးကုဆရာဝန်ကြီး ဒေါက်တာစိုးလွင်က ပြောသည်။

ကလေးများများ လိုချင်သူတွေအတွက် ရိုးရိုးသဘာဝနည်းအတိုင်း မွေးသည့်နည်းမှာ ပိုမိုကောင်းမွန် ကြောင်း၊ ခွဲစိတ်မွေးရာတွင် အလွန်ဆုံးကလေးသုံးဦးခန့်သာမွေးခွင့်ပြုထားသည့်အတွက် ကလေးများ များလိုချင်သူများအနေဖြင့်မူ ရိုးရိုးသဘာဝနည်းလမ်းအတိုင်းသာ မွေးဖွားသင့်ကြောင်း သိရသည်။

“ကလေးကို ရိုးရိုးမွေးတာကတော့ တကယ့်သဘာဝနည်းလမ်းပဲ။ ခွဲစိတ်တယ်ဆိုတာက ခွဲစိတ်တဲ့အခါ မှာသားအိမ်ကျုံ့နိုင်တဲ့ အခက်အခဲတွေ၊ အန္တရာယ်တွေလဲ ရှိနိုင်တယ်။ အဲဒါကိုလဲသတိထားရမယ်။ မေ့ ဆေးရဲ့အန္တရာယ်တွေ။ နောက်ခွဲစိတ်ရင်းကနေ သွေးထွက်လွန်တာ၊ ထိခိုက်ဒဏ်ရာရတာ၊ အနာမ ကျက်တာ၊ နောက်ထပ်ကိုယ်ဝန်ရှိရင် ပထမခွဲထားတဲ့အနာတွေကွဲထွက်တတ်တာ၊ ကလေးတွေကို ခဏခဏမွေးလို့မရတာ၊ တစ်ခါခွဲမွေးပြီးတော့ နောက်တစ်ခါကျတော့မှ ရိုးရိုးမွေးချင်တယ်ဆိုရင် အခက်အခဲတွေရှိနိုင်တယ်” ဟုပြောသည်။

ခွဲစိတ်မွေးဖွားရန် လိုအပ်သောအခြေအနေများအနေဖြင့် ကလေးအနေအထားမှားယွင်းနေခြင်း၊ ကလေးကန့်လန့်ဖြစ်နေခြင်း၊ အချင်းပိတ်နေခြင်း စသည့်လက္ခဏာမျိုးများရှိပါက ခွဲစိတ်မွေးခြင်းသည် ပိုမိုကောင်းမွန်ကြောင်း သိရသည်။

“တစ်ခါတလေကျရင် သွေးဆိပ်တွေတက်နေပြီးတော့ ကလေးကအတွင်းထဲမှာ ရေမွန်းနေတယ်။ ကလေးကအရမ်းကြီးပြီးတော့ မိခင်ရဲ့အရိုးကွင်းထဲကို မဝင်ဘူးဆိုရင်တော့ ခွဲစိတ်မွေးတာက ပို ကောင်းပါတယ်” ဟု ဒေါက်တာစိုးလွင်ကထပ်မံပြောသည်။

မည်သည့်အကြောင်းမျှမရှိဘဲ သဘာဝအတိုင်း ရိုးရိုးမွေးခြင်းနှင့် ခွဲစိတ်၍မွေးခြင်းနှစ်ခုကို နှိုင်းယှဉ် ကြည့်ပါက အကောင်းနှင့်အဆိုးသည် အမြဲးဒွန်တွဲနေတတ်ကြောင်း သိရသည်။

“အဲဒီလို ဒွန်တွဲနေတာကို တကယ်နားလည်တဲ့ ဆရာဝန်နဲ့ တိုင်ပင်ပြီးတော့ ရွေးချယ်လို့ရပါတယ်” ဟု ဆိုသည်။

ခွဲစိတ်မွေးခြင်းသည် ကြိုတင်စီစဉ်၍ရနိုင်ခြင်း၊ ယနေ့ခေတ်တွင် မိမိတို့ကြိုက်နှစ်သက်သည့်ရက် ရွေး ချယ်နိုင်ခြင်းစသည့် အားသာချက်တို့ရှိပြီး ရိုးရိုးသဘာဝနည်းအတိုင်းမွေးရာတွင် တချို့တွေ့ကြုံရသည် များတွင် တချို့အဆင်မသင့်ပါက ဗိုက်နာမှခွဲစိတ်ရခြင်း၊ လေစုပ်မွေးရခြင်း၊ မွေးလမ်းကြောင်းတွင် ဒဏ်ရာရခြင်းစသည်တို့ရှိနိုင်ကြောင်း သိရသည်။

“မွေးနည်းနှစ်ခုစလုံးမှာ အားသာချက်တွေ အားနည်းချက်တွေရှိကြတယ်။ ဘယ်နည်းကတော့ လုံးဝ ကောင်းတယ်။ ဘယ်နည်းကတော့ လုံးဝမကောင်းဘူးဆိုတာကတော့ ပြောလို့မရပါဘူး” ဟု ဒေါက် တာလှစိုးလွင်က ဆက်လက်ပြောသည်။
http://www.searchmyanmar.com/click/Health#content-44339


https://www.facebook.com/lyhealthcare/photos/a.345112345631447.1073741828.344732555669426/

No comments:

Post a Comment

Related Posts Plugin for WordPress, Blogger...