စကြာဝဠာအနန္ဒ၌ရှိကြကုန်သော လူ၊နတ်၊ဗြမ္မာ၊သတ္တဝါအားလုံးတိုသည် ကိုယ်စိတ်နှစ်ဖြှာချမ်းသာကြပါစေ၊ကောင်းကျိုးလိုရာစန္ဒ ပြည်ဝကြပါစေ...







ပင်လယ်၏. .ဆည်းဆာ


ပင်လယ်ကမ်းခြေ၏ တစ်နေ့တာ အချိန်သည် နိဂုံးချုပ်ပြီ ဖြစ်သည်၊ ကျွန်ုပ်လည်း အတွေးများကို တွေးရင်း ပင်လယ်၏ နေဝင်ချိန် အိမ်အပြန် လှေငယ်ကလေးများနှင့် သူတို့၏ ဘဝများကို တွေးတော နေမိလေ၏။ နေဝင်ချိန်သည် လွန်စွာ လှသကဲ့သို့ အလွန်လည်း မြန်လှသည်ဖြစ်ရာ ဓါတ်ပုံ ဆရာတို့လည်း အချိန်လုရင်း နေဝင်ချိန် အလှကို အမိအရ မှတ်တမ်းတင်ကြ သည်ကို တွေ့ရလေသည်။ ကျွန်ုပ်လည်း ပင်လယ်လေကို ရှူရင်း အတွေးများ နယ်ချဲ့မိလေ၏။

ပင်လယ်မှ တွေ့ရ မြင်ရသော နေဝင် ဆည်းဆာသည် လှပပေ၏။ ထို နေဝင်ချိန် ဖြစ်လာရန် နေထွက်ခြင်းက စတင်ခဲ့သည် ပင်မဟုတ်ပါလား၊ နံနက် ရောင်နီ အချိန်မှ ညနေ နေဝင်ချိန် အထိ တစ်နေ့တာ ဖြတ်သန်းခဲ့ရပြီးမှ ညနေ နေဝင်ချိန် ဖြစ်လာရသည်ပင် မဟုတ်ပါလား။ ကျွန်ုပ်တို့ လူ့ဘဝသည်လည်း မွေးဖွားခြင်းနှင့် သေဆုံးခြင်း အကြား ဘဝ တစ်နေ့တာသည်လည်း တစ်ချိန်တွင် နေဝင်ရမည်မှာ မလွဲပေ။ပင်လယ်ကမ်းမှ နေဝင်ချိန်သည် မိုးတိမ် ကင်းစင်ပါက လှပသောပန်းချီတစ်ချပ်ဖြစ်သကဲ့သို့ ကျွန်ုပ်တို့၏ ဘဝ နေဝင်ချိန်သည်လည်း မိုးတိမ်ဟုသော လောဘ၊ ဒေါသ မာန ဆိုသည့် အပူများ ကင်းစင်လျက် လှပသော ဘဝ နေဝင်ချိန်ကို ပိုင်ဆိုင်ရန် လိုအပ်သည်ဟု ကျွန်ုပ်စိတ်တွင် တွေးထင်မိလေ၏။ နာရေး ကိစ္စများတွင် ဝေငှတတ်သော ယပ်တောင်များတွင် ပါရှိသည့် " ဧည့်သည်" ဆိုသော ကဗျာလေးအား အမှတ်ရမိ ပါသေးသည်။ အမှန် စင်စစ် ကျွန်ုပ်တို့သည် သံသရာ ခရီးသွားများပင်ဖြစ်ရာ လူ့ဘဝသည် ခရီးတစ်ထောက် နားခိုးရာပင် ဖြစ်၍ ဧည့်သည်ပင် ဖြစ်သည်ကို တွေးမိလေ၏။

ကျွန်ုပ်သည် ဗုဒ္ဓဝါဒကို ယုံကြည်သူ ဖြစ်သောကြောင့် ကံနှင့် ကံ၏ အကြိုးကိုလည်း ယုံကြည် လက်ခံသူ ဖြစ်ရာ မိမိ၏ ဘဝ ခရီးတွင် ကောင်းခြင်း မကောင်းခြင်းစသည့်တို့သည် မိမိ၏ ပြုလုပ်သော သီလ သမာဓိ ပညာ နှင့် အလုပ်ပေါ်တွင် အခြေခံခြင်းဖြစ်သည် ဆိုခြင်းကိုသာ လက်ခံပြီး မည်သူ တစ်ဦး တစ်ယောက်က သော်လည်းကောင်း တံခိုးရှင်ကသော်လည်းကောင်း ဖန်းဆင်းပေးခြင်းနှင့် မိမိဘဝကို ကြိုးကိုင်နေခြင်း ဆိုသည့်ကိုမူ ကျွန်ုပ် နာမလည်ပေ။ ကျွန်ုပ်ဘဝ၏ နေဝင်ချိန်အတွက် ပြုပြင်ရမည့် တရား ဓမ္မ တို့သည် ကျွန်ုပ်လုပ်မှ ကျွန်ုပ်ရမည်ဖြစ်၏။ ကျွန်ုပ် မကောင်းခြင်းအတွက် ကျွန်ုပ်ပင် ခံရမည်ဖြစ်ကြောင်း ယုံကြည်သူဖြစ်ရာ မည်သူမျှ ကိုယ်စားခံရခြင်း တံခိုးဖြင့် ပျက်စေ ပျောက်စေခြင်းလည်း မတတ်နိုင်ဟု ယုံကြည်ထားသည်ပင်ဖြစ်၏။ ထို့ကြောင့် ဧည့်သည်ဘဝဖြင့် ခဏတာ ရောက်လာရသည့် လူ့ဘဝအတွက် နေဝင်ချိန်သည် ရှေ့တွင် ဆီးကြိုနေပြီဖြစ်ရာ လှပသော နေဝင်ချိန်ဖြစ်ဖို့ ပြင်ဆင်ရတော့မှာပါလားဟု အတွေး ရောက်လေတော့၏။

ကမ်းခြေမှ မြင်ရသော နေလုံး နီနီသည်လည်း မိုးကုတ် စက်ဝိုင်း၏ အလွန်သို့ ဝင်ရောက် ပျောက်ကွယ်သွားပြီး ဖြစ်သည်။ အေးမြသော လေးညင်းကလေးများလည်း တိုက်ခပ်၍ နေလေ၏။ အမှောင်ထုက လွမ်းခြုံလာပြီးဖြစ်ရာ ကျွန်ုပ်လည်း အတွေးစကို ဖြတ်၍ နားနေဆောင်သို့ ဖြေညင်းစွာ လျောက်လှမ်းခဲ့ရလေတော့သည်။ ။

Lazy Cat (ရိုးရာလေး)

https://www.facebook.com/yoyarlaydotcom/photos/a.625738190802770.1073741829.1716

No comments:

Post a Comment

Related Posts Plugin for WordPress, Blogger...