(၆၈)နှစ်မြောက် အာဇာနည်နေ့ကို ဂုဏ်ပြုသောအားဖြင့် အနုပညာရှင်များ၏ ရင်တွင်းစကားသံများ

၁၉ ဇူလိုင် မမေ့နိုင် ဟူသည့်အတိုင်း ယခုလတွင် ကျရောက်မည့် ဇူလိုင် ၁၉ ရက်သည် မြန်မာနိုင်ငံ၏ အာဇာနည် ခေါင်းဆောင်ကြီးများ ကျဆုံးခဲ့သည်မှာ (၆၈)နှစ်မြောက်သော နေ့တစ်နေ့ ဖြစ်သည်။ ၁၉၄၇ ခုနှစ် ဇူလိုင် ၁၉ ရက် နံနက် ၁ဝ နာရီ ၃၇ မိနစ်တွင် ဗိုလ်ချုပ်အောင်ဆန်း အပါအဝင် နိုင်ငံ့ခေါင်းဆောင်ကြီး များသည် ရန်ကုန်မြို့ အတွင်း ဝန်ရုံး (ဝန်ကြီးများရုံး)၌ မသမာသူများ၏ လုပ်ကြံမှုကို ခံခဲ့ရခြင်းဖြစ်သည်။ ပြည်သူများ၏ စိတ်နှလုံးကို ထိခိုက်စေသည့် နေ့ ရက်ဖြစ်ခဲ့သော အာဇာနည် ခေါင်းဆောင်ကြီးများ ကျဆုံးခဲ့ရသည့် နေ့ရက်ကိုလည်း ပြည်သူ များနှင့်အတူ ပြည်သူချစ် အနုပညာရှင် များကလည်း ယနေ့ထက်တိုင် မမေ့နိုင် အောက်မေ့သတိရစမြဲ ရှိနေ ကြောင်းကို ပြည်သူများ သိရှိနိုင်ရန် အနုပညာရှင် တချို့၏ ရင်တွင်းစကားသံများကို ယခုလို မေးမြန်းဖော်ပြ ပေးလိုက်ပါသည်။
                       
အကယ်ဒမီ ပြေတီဦး
အစ်ကိုက အခုဇာတ်ကား ရိုက်ကူးရေးနဲ့ ပုဂံကို ရောက်နေပါတယ်။ အာဇာနည်နေ့မှာလည်း ရန်ကုန်မှာ မရှိတော့ အာဇာနည်နေ့ကို ဇာတ်ကား ရိုက်ကူးရင်းနဲ့ပဲ နယ်မှာကျော်ဖြတ်ရမှာပါ။ အာဇာနည်နေ့ ဆိုတာက ကျွန်တော်တို့ တိုင်းပြည်ရဲ့ ဖခင်ကြီးတွေ၊ တိုင်းပြည်အတွက် အသက်ကို စတေးပြီး စွန့်လွှတ် အနစ်နာခံခဲ့ရတဲ့ အာဇာနည် ကြီးတွေကို ဂုဏ်ပြုတဲ့ အနေနဲ့ သတ်မှတ်ထားတဲ့ နေ့တစ်နေ့ပါ။ ကျွန်တော်တို့ နိုင်ငံရဲ့ အာဇာနည်တွေကို မမေ့တဲ့၊ တန်ဖိုးထားတဲ့ အနေနဲ့ ကျွန်တော်တို့ တိုင်းရင်းသား လူမျိုးအချင်းချင်း အားလုံးက စိတ်ဝမ်းမကွဲကြဘဲနဲ့ တစ်ယောက်ကို တစ်ယောက် ချစ်ချစ်ခင်ခင် စည်းစည်းလုံးလုံးနဲ့ မိမိနိုင်ငံ တိုးတက်သည်ထက် တိုးတက်အောင် ကြိုးစားကြဖို့ လိုအပ်ပါတယ်။ အဲဒီလို ကြိုးစားကြမှလည်း ကျွန်တော်တို့ အာဇာနည် ခေါင်းဆောင်ကြီးတွေကို တန်ဖိုးထားရာ ရောက်မယ်လို့ ခံယူထားပါတယ်။ အမှတ်တရ ဆိုရင်တော့ ငယ်ငယ်တုန်းက အာဇာနည်နေ့ ရောက်ပြီဆိုရင် တစ်မြို့လုံး၊ တစ်နိုင်ငံလုံး ဥသြတွေဆွဲပြီးတော့ ဂုဏ်ပြုကြတယ်။ ဒီဥသြသံလေး ကြားပြီဆိုတာနဲ့ လမ်းလျှောက်တဲ့ သူတွေတောင် ရောက်တဲ့နေရာ မတ်တတ်ရပ် သတိဆွဲပြီး အလေးပြုကြတယ်။ အဲဒါကတော့ ကျွန်တော့်အတွက် တန်ဖိုးဖြတ်လို့ မရတဲ့ မြင်ကွင်းတွေ၊ တန်ဖိုးဖြတ်လို့ မရတဲ့ အမှတ်တရတွေပါပဲ။ အဲဒီလို အလေ့ အကျင့်မျိုးကိုလည်း ဒီဘက်ခေတ်မှာ တညီတညွှတ်တည်း ပြန်လုပ်စေချင်ပါ တယ်။

ဒါရိုက်တာ သီတာလင်း
အာဇာနည်နေ့မှာ ဥသြတွေဆွဲပြီးတော့ အလေးပြုချင်ပါတယ်။ ကားရိုက်တွေနဲ့ မအားတဲ့အခါမှာ အာဇာနည် ဗိမာန်ကိုတော့ မသွားဖြစ်ပါဘူး။ ဇူလိုင် ၁၉ ရက်မှာလည်း ဥသြဆွဲပြီး အလေးပြုတာတွေကို ပြုလုပ်စေချင်ပါတယ်။ အန်တီ တို့ ငယ်ငယ်တုန်းက အာဇာနည်နေ့မှာ ဥသြတွေဆွဲပြီးတော့ တစ်နိုင်ငံလုံး အလေးပြုကြတယ်။ အဲဒီလို ဖြစ်ရပ်မျိုး ကို ပြန်တွေးလိုက်ရင် ဝမ်းနည်းမိပါတယ်။ အခုလည်း ကားဟွန်းတွေ တီးပြီးတော့ အလေးပြုကြတော့ အာဇာနည်နေ့ မှာ သေချာလေး အလေးပြုဖို့ ဆုံးဖြတ်ထားပါတယ်။ အာဇာနည်နေ့ဆိုတာ မမေ့ထိုက်တဲ့ နေ့ရက် တစ်ရက်ပါ။ လူငယ်တွေ မမေ့သင့်တဲ့ နေ့ရက်တစ်ရက်ဆိုလည်း မမှားပါဘူး။

 ကျော်ကျော်
အာဇာနည်နေ့မှာ အစ်ကို ကားရိုက်ရင်းနဲ့ပဲ ဖြတ်သန်းဖြစ်မှာပါ။ မနှစ်ကတော့ ကြက်ခြေနီ အဖွဲ့နဲ့အတူ အာဇာနည် ဗိမာန်မှာ လုပ်အား သွားပေးဖြစ်တယ်။ အဲဒါတော့ အမှတ်တရပေါ့။ အာဇာနည်နေ့ဆိုတာ အစ်ကိုတို့ နိုင်ငံမှာရှိနေ တဲ့ နိုင်ငံသူ၊ နိုင်ငံသား တွေအတွက် မည်သူ တစ်ဦးတစ်ယောက်မျှ မမေ့သင့်တဲ့ နေ့ရက်တစ်ရက်လို့ သတ်မှတ် ထားပါတယ်။ ဒီနေ့ရက်ကလည်း နောက်နှစ်ပေါင်းများစွာ တိုင်အောင် ရှိနေဦးမှာပါ။ ပြည်သူတွေရဲ့ ရင်ထဲမှာလည်း အမှတ်တရ နေ့ရက်တစ်ရက်အဖြစ် သတ်မှတ်ထားကြမယ်လို့ ထင်ပါတယ်။ ဒီနှစ်မှာ ကားရိုက်နဲ့ မအားလပ်ပေ မယ့်လည်း နှစ်တိုင်း၊ အာဇာနည်နေ့ ရောက်တိုင်း ကျွန်တော့်ရဲ့ ဖေ့ဘွတ်မှာ အာဇာနည်နေ့ အမှတ်တရအဖြစ် ဂုဏ်ပြုကဗျာတွေကို ရေးပြီးတင်ဖြစ်ပါတယ်။ ငယ်ငယ်တုန်းကတော့ အာဇာနည်နေ့ကို သောကြာနေ့ ဒါမှမဟုတ် တနင်္လာနေ့ ဖြစ်စေချင်တာ။ ဒါမှ ကျောင်းပိတ်ရက် များမယ်ပေ့ါ။ ဒါပေမဲ့ ကျောင်းစာတွေ သင်ကတည်းက အာဇာနည်နေ့ အကြောင်းကို သင်ခဲ့ရတော့ နားလည်တတ်တဲ့ အရွယ်ရောက်လာတော့ စိတ်ထဲမှာ အလေးထား တတ်လာတယ်။ တကယ့်ကို မမေ့နိုင်တဲ့ နေ့ရက်တစ်ရက်ပါ။

သျှားထွဋ်အိန္ဒြာ
ညီမဒီနှစ်မှာ အာဇာနည်နေ့ကို ဂုဏ်ပြုတဲ့အနေနဲ့ အာဇာနည် ဗိမာန်မှာ ကျဆုံးသွားတဲ့ အာဇာနည် ခေါင်းဆောင်ကြီးတွေ ကို အလေးသွားပြုမယ်။ ပြီးတော့ အာဇာနည် ခေါင်းဆောင်ကြီးတွေကို ရည်စူးပြီးတော့ ဘိုးဘွားရိပ်သာမှာ အလှူပြု လုပ် ပေးဖို့ရှိပါတယ်။ ညီမ ငယ်ငယ်ကတည်းက အာဇာနည်နေ့ဆိုရင် အာဇာနည် ဗိမာန်နားမှာနေတော့ အာဇာ နည် ခေါင်းဆောင်ကြီးတွေကို အလေးသွားပြုလေ့ ရှိပါတယ်။ နောက်ပြီး ဗိုလ်ချုပ်ပြတိုက် သွားပြီးတော့ ခေါင်းဆောင် ကြီးတွေ အကြောင်း သွားပြီးလေ့လာ ဖြစ်ပါတယ်။ ကိုယ့်နိုင်ငံမှာ ဒီလိုမျိုး အသက်ပေးပြီး ကာကွယ် ခဲ့တဲ့ ခေါင်းဆောင် ကြီးတွေ ကျဆုံးခဲ့ရတဲ့ ဒီလိုနေ့ကိုရောက်တိုင်း စိတ်မကောင်းတော့ ဖြစ်မိတယ်။ ဒါပေမဲ့ သူတို့ တွေအတွက် ရည်စူးပြီး ကောင်းမှုကုသိုလ်လေးတွေ လုပ်ဖြစ်ပါတယ်။

ဆုမြတ်နိုးဦး
အာဇာနည်နေ့မှာ ညီမမွေးနေ့ အကြိုအနေနဲ့ ကျိုက်ထိုကိုသွားပြီးတော့ အလှူသွားလုပ်မှာပါ။ အားလုံးနားရက် ဆိုပြီး ရွေးလိုက်တာ အာဇာနည်နေ့ ဖြစ်သွားတော့ အမှတ်တရလည်း ဖြစ်သွားပါတယ်။ အာဇာနည်နေ့ ဆိုတာက လည်း မြန်မာတစ်နိုင်ငံလုံးက ပြည်သူတွေ အလေးအနက်ထားတဲ့ နေ့ရက်တစ်ရက်ဖြစ်တော့ အဲဒီလိုနေ့ရက်မှာ မွေးနေ့ အလှူ လုပ်ဖြစ်တဲ့အတွက် အမှတ်တရ ဖြစ်သွားပါတယ်။ အာဇာနည်နေ့မှာ ဥသြဆွဲသံတွေ ကြားရတဲ့အခါမျိုးမှာ ငိုချင်တဲ့ စိတ်တွေဖြစ်မိပါတယ်။ အာဇာနည် ခေါင်းဆောင်ကြီးတွေ အကြောင်း ခေါင်းထဲရောက်လာပြီး မျက်ရည် ဝဲမိပါတယ်။ အာဇာနည်နေ့မှာ ကားဟွန်းတီးပြီးတော့ အလေးပြုချင်ပါတယ်။

စိုးနန္ဒာကျော်
အာဇာနည် နေ့မှာတော့ ညီမလုပ်နေကြ အနုပညာ အလုပ်တွေပဲ လုပ်ဖြစ်မှာပါ။ အာဇာနည်နေ့ ဆိုတာကလည်း ညီမတို့ မြန်မာနိုင်ငံသူ၊ နိုင်ငံသားတွေအတွက် အမြဲတမ်း အမှတ်တရ ဖြစ်စေတဲ့ နေ့လေးတစ်နေ့ပါ။ အားလုံး ကလည်း အလေးထားပြီး ဂုဏ်ပြုကြတဲ့ နေ့ရက်တစ်ရက် ဖြစ်ပါတယ်။ အစတုန်းကဆိုရင် အာဇာနည်နေ့ရောက်ရင် ဥသြတွေ ဆွဲကြ တယ်။ ဥသြသံကြားရင်ပဲ စိတ်မကောင်း ဖြစ်မိပါတယ်။ တစ်ခုခုကို လွမ်းဆွတ် သတိရမိသလိုလည်း ခံစားရပါတယ်။ ဇူလိုင် ၁၉ ရက်ဆိုတာ တစ်နိုင်ငံလုံး မမေ့နိုင်ကြတဲ့ နေ့ရက်တစ်ရက် ဆိုလည်း မမှားပါဘူး။

https://www.facebook.com/mwdmedia/posts/813135695470237